Content
Быць грамадзянінам ці грамадзянкай азначае рабіць выбары і ўдзельнічаць у прыняцці важных рашэнняў, звязаных з жыццём вашай краіны. Але што гэта значыць на практыцы? Якія інструменты і веды дапамогуць змяніць свет навокал?
На другім наборы анлайн-курса па грамадзянскім удзеле «Звычка цікавіцца» вы даведаецеся, што азначаюць такія тэрміны як грамадзянскі ўдзел, актыўнае грамадзянства, правы чалавека, арганізацыі грамадзянскай супольнасці, мясцовае самакіраванне, адвакацыя. На простых і зразумелых прыкладах мы пакажам, як можа і як павінна быць арганізавана дэмакратычнае грамадства, і як людзі могуць удзельнічаць у зменах на асабістым, лакальным і нацыянальным узроўнях.
Праходзьце трэкі, даведвайцеся новую інфармацыю і атрымлівайце бэйджы за выкананыя заданні. Каб атрымаць фінальны бэйдж «Звычка цікавіцца» і лічбавы сертыфікат, вам патрэбна сабраць мінімум 5 бэйджаў.
Расклад анлайн-варкшопаў (час па Мінску):
- 21 верасня, чацвер, 19:00 - 20:30 / Першая сустрэча курса: як працуе платформа [прайшла]
- 25 верасня, панядзелак, 19:00 - 21:00 / Што такое правы чалавека? Незанудны базавы варкшоп [прайшоў]
- 27 верасня, серада, 19:00 - 21:00 / Што такое супольнасць і чаму мы ў іх аб'ядноўваемся? [прайшоў]
- 2 кастрычніка, панядзелак, 19:00 - 21:00 / Ацэнка патрэбаў супольнасці і сумеснае планаванне дзеянняў [прайшоў]
- 4 кастрычніка, серада, 19:00 - 21:00 / Сустрэча з беларускімі ініцыятывамі [прайшоў]
- 9 кастрычніка, панядзелак, 19:00 - 21:00 / Адвакацыя: ад ідэі да змен [прайшоў]
- 11 кастрычніка, серада, 19:00 - 21:00 / Валанцёрства як каштоўнасць [прайшоў]
- 12 кастрычніка, чацвер, 19:00 - 21:00 / Ралевая гульня пра працу ў камандах [прайшоў]
- 16 кастрычніка, панядзелак, 19:00 - 21:00 / CivicTech: грамадзянскі ўдзел у лічбавую эпоху [прайшоў]
- 18 кастрычніка, серада, 19:00 - 20:30 / Анлайн-выпускны курса [прайшоў]
Варкшопы будуць праходзіць у Zoom, для ўдзелу неабходна папярэдняя рэгістрацыя. Спасылку на рэгістрацыю вы знойдзеце ў апісанні кожнага варкшопа. Удзельнічаць у варкшопах можна з уключанай ці выключанай камерай і мікрафонам, пад сваім імем ці псеўданімам. Варкшопы будуць праводзіцца па-беларуску і па-расейску.
Звярніце ўвагу, што запіс варкшопаў не прадугледжаны.
Калі ласка, прыходзьце на zoom-сесіі пад тым жа імем ці псеўданімам, пад якім вы аўтарызаваліся на платформе, каб мы маглі вас ідэнтыфікаваць і выдаць бэйдж за ўдзел. Арганізатары пакідаюць за сабой права не падключаць невядомых карыстальнікаў.
Плэйліст «Звычка цікавіцца. Анлайн-курс па грамадзянскім удзеле» падрыхтаваны некамерцыйнай арганізацыяй ОЕЕС (Грузія).
Activities to complete
Complete the following activities, earn badges and you will see your playlist progress updated
Content
Умець высветліць запатрабаванні аўдыторыі − гэта важны навык ва ўсіх сферах дзейнасці. Дзеля гэтага праводзяць сацыяльныя апытанні, маркетынгавыя даследаванні, розныя анкетаванні і фокус-групы. Ведаць патрэбы важна і для таго, каб дзейнічаць разам з супольнасцю, каб людзі адчувалі, што гэта сапраўды “пра іх”.
На варкшопе вы даведаецеся:
- што такое ацэнка патрэбаў супольнасці і як яе праводзіць,
- пяць прычын, чаму людзі не прыходзяць на мерапрыемствы,
- як планаваць дзейнасць так, каб па выніку не рабіць усё адной ці аднаму;
- чаму важна размаўляць пра патрэбы ўнутры каманды і як гэта зрабіць праз гульню.
Акрамя таго, інтэрактыўная частка варкшопа дазволіць адразу папрактыкаваць атрыманыя веды і пакажа, як карыстацца Jamboard для ацэнкі патрэбаў.
Сустрэнемся 2 кастрычніка (панядзелак) з 19:00 да 21:00 (па Менску) у Zoom.
Вядучая варкшопа
Валерыя Ваўкагонава − трэнерка праграм нефармальнай адукацыі, фасілітатарка, менеджарка некамерцыйных праектаў. Валерыя дапамагае праектам, супольнасцям і арганізацыям прымаць рашэнні і будаваць групавую працу эфектыўна. Працавала больш чым з 300 камандамі на працягу апошніх 7 год.
Get activity badge
Я ведаю, што такое ацэнка патрэбаў супольнасці і як яе праводзіць
Tasks
Evidence verified by: one activity organiser
Для атрымання гэтага бэйджа прыміце ўдзел у варкшопе або выканайце заданне ніжэй.
Калі вы ўдзельнічалі ў варкшопе, укажыце гэта, калі ласка, у поле для доказаў, і мы выдадзім вам бэйдж за ўдзел.
Заданне:
Уявіце, што вы хочаце правесці нейкае мерапрыемства: воркшоп, сустрэчу ці кінапаказ. Напішыце, навошта патрэбна ацэнка патрэбаў для мерапрыемства, якое вы абярэце, і назавіце 3-5 магчымых інструментаў для ацэнкі. Вы можаце прыдумаць сваё мерапрыемства ці апісаць свой досвед, калі ён ужо быў!