Content
Быць грамадзянінам ці грамадзянкай азначае рабіць выбары і ўдзельнічаць у прыняцці важных рашэнняў, звязаных з жыццём вашай краіны. Але што гэта значыць на практыцы? Якія інструменты і веды дапамогуць змяніць свет навокал?
На другім наборы анлайн-курса па грамадзянскім удзеле «Звычка цікавіцца» вы даведаецеся, што азначаюць такія тэрміны як грамадзянскі ўдзел, актыўнае грамадзянства, правы чалавека, арганізацыі грамадзянскай супольнасці, мясцовае самакіраванне, адвакацыя. На простых і зразумелых прыкладах мы пакажам, як можа і як павінна быць арганізавана дэмакратычнае грамадства, і як людзі могуць удзельнічаць у зменах на асабістым, лакальным і нацыянальным узроўнях.
Праходзьце трэкі, даведвайцеся новую інфармацыю і атрымлівайце бэйджы за выкананыя заданні. Каб атрымаць фінальны бэйдж «Звычка цікавіцца» і лічбавы сертыфікат, вам патрэбна сабраць мінімум 5 бэйджаў.
Расклад анлайн-варкшопаў (час па Мінску):
- 21 верасня, чацвер, 19:00 - 20:30 / Першая сустрэча курса: як працуе платформа [прайшла]
- 25 верасня, панядзелак, 19:00 - 21:00 / Што такое правы чалавека? Незанудны базавы варкшоп [прайшоў]
- 27 верасня, серада, 19:00 - 21:00 / Што такое супольнасць і чаму мы ў іх аб'ядноўваемся? [прайшоў]
- 2 кастрычніка, панядзелак, 19:00 - 21:00 / Ацэнка патрэбаў супольнасці і сумеснае планаванне дзеянняў [прайшоў]
- 4 кастрычніка, серада, 19:00 - 21:00 / Сустрэча з беларускімі ініцыятывамі [прайшоў]
- 9 кастрычніка, панядзелак, 19:00 - 21:00 / Адвакацыя: ад ідэі да змен [прайшоў]
- 11 кастрычніка, серада, 19:00 - 21:00 / Валанцёрства як каштоўнасць [прайшоў]
- 12 кастрычніка, чацвер, 19:00 - 21:00 / Ралевая гульня пра працу ў камандах [прайшоў]
- 16 кастрычніка, панядзелак, 19:00 - 21:00 / CivicTech: грамадзянскі ўдзел у лічбавую эпоху [прайшоў]
- 18 кастрычніка, серада, 19:00 - 20:30 / Анлайн-выпускны курса [прайшоў]
Варкшопы будуць праходзіць у Zoom, для ўдзелу неабходна папярэдняя рэгістрацыя. Спасылку на рэгістрацыю вы знойдзеце ў апісанні кожнага варкшопа. Удзельнічаць у варкшопах можна з уключанай ці выключанай камерай і мікрафонам, пад сваім імем ці псеўданімам. Варкшопы будуць праводзіцца па-беларуску і па-расейску.
Звярніце ўвагу, што запіс варкшопаў не прадугледжаны.
Калі ласка, прыходзьце на zoom-сесіі пад тым жа імем ці псеўданімам, пад якім вы аўтарызаваліся на платформе, каб мы маглі вас ідэнтыфікаваць і выдаць бэйдж за ўдзел. Арганізатары пакідаюць за сабой права не падключаць невядомых карыстальнікаў.
Плэйліст «Звычка цікавіцца. Анлайн-курс па грамадзянскім удзеле» падрыхтаваны некамерцыйнай арганізацыяй ОЕЕС (Грузія).
Activities to complete
Complete the following activities, earn badges and you will see your playlist progress updated
Content
Паўсюль толькі і размоваў, што пра правы чалавека. Час разабрацца, чаму ўсе навокал пра іх кажуць і ці працуюць яны на карысць хоць камусьці. Гэты інтэрактыўны трэнінг стане першай прыступкай да разумення канцэпцыі правоў чалавека.
На варкшопе вы даведаецеся:
- адкуль пачаліся правы чалавека і дзе яны заканчваюцца,
- што канрэтна хаваецца за гэтым словазлучэннем,
- навошта кожнаму і кожнай ведаць пра іх.
Вы таксама даведаецеся пра тое, як адрозніваюцца парушэнні правоў чалавека ад парушэнняў адміністрацыйных і злачынстваў крымінальных. Напрыклад, калі вас пабіў сусед за гучную музыку ўвечары ці адмовілі ў прыняцці на працу праз палітычныя погляды. У якім выпадку былі парушаны вашыя правы чалавека? Ці, можа, у абодвух?
Сустракаемся 25 верасня з 19:00 да 21:00 (менскі час) у Zoom.
Трэнерка
Дар'я Рублеўская, праваабаронца, менеджарка Беларускай Праваабарончай Школы. Ладзіць трэнінгі пра правы чалавека больш за 4 гады і ўпэўнена, што салідарнасць выратуе свет. Каардынуе ініцыятыву «Майстэрня паштовак салідарнасці».
Get activity badge
Я ведаю, што такое правы чалавека
Tasks
Evidence verified by: one activity organiser
Для атрымання гэтага бэйджа прыміце ўдзел у варкшопе або выканайце заданне ніжэй.
Калі вы ўдзельнічалі ў варшопе, укажыце гэта, калі ласка, у поле для доказаў, і мы выдадзім вам бэйдж за ўдзел.
Заданне:
- Апішыце сваімі словамі, як вы разумееце правы чалавека;
- Як вы лічыце, хто можа парушыць правы чалавека? Дайце аргументаваны адказ.